係英國讀書既時候，我好enjoy同一齊住既朋友係GameCube上面玩一隻叫做Final Fantasy Crystal Chronicles既遊戲，裏面給玩家使用既其中一個種族叫Lalafell係我當時最愛既角式，遊戲就係一個幻想嘅世界裏面打魔物收集水晶為主，而最enjoy就係同朋友一齊出合體魔法，當互相時間與位置配合得對既時候就可以泳唱出超華麗既魔法畫面，例如可以做出好似隕石一樣咁大嚿嘅冰墜落去魔物身上給予致命嘅一擊，一齊合力對付魔物同魔王，經歷有啲傻嘅劇情，跟住因為有時唔可以好好合作而累死對方喺度互相指責，可能仲會鬧交㖭🤣，之後因為World of Warcraft既出現所以同老表們踏上咗係Azeroth既冒險旅程。

近年因為舊時一齊玩World of Warcraft既老表都已經不相往來，幾年前我突然間覺得唔想再留戀喺一個充滿同老表們之間回憶既世界裏面，加上工作、自身既學習、R&D、學琴、教琴、樂團、義教，我真係冇咩動力去繼續玩一隻令自己會有不悅感既遊戲，我覺得都係時候要放低，因為咁我冇再玩World of Warcraft，但就係早幾個月前因為唔再義教所以多左時間，我就開始試下玩之前一直都好想試吓玩，而因為舊時玩緊World of Warcraft而冇時間玩嘅遊戲Final Fantasy XIV。

我同一齊玩GCG既朋友開始左玩Final Fantasy XIV，最興奮係Final Fantasy XIV 裏面可以延續嗰陣時喺英國玩Final Fantasy Crystal Chronicles既Lalafell，雖然果位係英國一齊玩Final Fantasy Crystal Chronicles成日累死我嗰個亦都應該冇咩機會見面㗎啦，雖然我已經冇乜感覺，但畢竟係佢出賣我，所以我相信佢都唔敢再主動搵我🤣，加上Final Fantasy Crystal Chronicles既故事同Final Fantasy XIV冇咩關係，所以唔會有好似World of Warcraft 果種一齊玩過嘅回憶！

玩咗Final Fantasy XIV幾個月，首先就係佢冇乜壓力，冇時間我就會抌低完全唔玩，而且佢故事性豐富，唔一定要好多人玩先至可以享受到遊戲嘅樂趣，老實講佢個畫面比World Of Warcraft豐富！當然佢都有佢既不足之處就係自由度比World Of Warcraft低，同埋PVP既感覺冇咁緊張，但Final Fantasy XIV有一個好根本嘅分別就係佢一個角色可以玩晒所有嘅職業，所以唔會好似world of Warcraft咁樣只係為咗消耗玩家嘅時間，就算係限時event都唔會磨我太多既時間，佢變成我得閒既時侯放低現實生活去到一個幻想嘅世界裏面咁既一隻遊戲。

當然啦，最初嘅跑腿會嚇怕咗好多玩家，但係經歷咗嗰段時間之後就越嚟越好玩，因為佢故事性非常之豐富，你好似經歷史詩式嘅故事書裏面嘅角色一樣經歷一個又一個嘅故仔，同一啲識同唔識嘅朋友一齊組隊去冒險，打魔物壞蛋😌其實就好似有啲人鍾意睇波，我鍾意落場打波多過齋睇，玩呢一類遊戲就係好似自己喺個故仔書裏面一樣，Final Fantasy XIV確實係有呢種感覺，加上近來出埋Nintendo Switch 2版本，除左係Mac，PC，XBOX同PS5上面玩之外，我而家星期六或日同朋友出嚟聚下嘅時候都可以面聯一齊玩😚! 就好似之前講嘅咁我都只係得閒玩吓，所以到而家都未封頂，希望佢嚟緊一月出新Expansion之前可以封頂啦，咁就可以玩埋佢同Evangelion既聯動！