2026年比較忙，所以少左時間去寫Blog，今日有少少時間就由農曆新年開始回顧一下，因為要接喜神（只係一個名稱，不要太敏感）既關係，我係大年初一既早上行經彌敦道，見到一大班旅客，竟然係廉政公署門前影團體相及個人照，有啲仲要攞住個牌及影住廉政公署四個字！🤣跟住我一路向喜神方向前進，見到係人都知道用預製菜聞名既茶餐廳，竟然大排長龍🫨！我真係覺得自己好似活係一個不同時空裡面，有種感我至係遊客一樣既感覺，原來香港年初一係咁？

接左喜神回到家之後，因為有親戚來拜年，那些好日都唔見面既所謂親戚當然唔會放過欺凌別人既機會啦🤭，不過我都預左，因為佢地咁多年來就係咁，亦明白佢地咁做只係因為佢地自卑同愧疚，所以先至會做呢啲咁樣嘅行為，再者我亦都唔會好似以前咁俾佢哋欺凌，我唔會再保持沉默，不過會好大方地回答佢地既問題之餘，仲會問番佢問呢啲問題真正既目的，使佢地唔好受😂，不過最令我驚喜嘅係Ser Hugo因為呢啲親戚對我或我媽咪既不禮貌之後而變得對那幾位親戚不友善及好大戒心！連佢地起身去洗手間都吠佢哋，與平時我有朋友來玩Card Game都唔會吠一聲同好客既Ser Hugo形成好大對比！

農曆新年過左之後，有啲親戚回港，不過今次我連見面都免了，2025年就好似一個人生既重啟一樣，好多之前不同原因而冇聯絡嘅人都相對係唔同方式出現，不過我返而覺得輕鬆！因為我選擇放棄這班若即若離唔會珍惜彼此關係嘅人是對的，佢地都係一群自私既傢伙，而我亦都學識不要多事把其他人既功課強行拉入自己嘅生命裡面。因為每個人都有自己要經歷，要面對既事，我強行既所謂幫忙，不單止幫唔到佢，而且仲會連累自己，有些時候只係一個抱怨電話一個負面WhatsApp Message其實已經會影響到自己。

係人都知世界今年改變會更大，慶幸自己可以抽離這種似爾虞我詐既虛偽生活，起碼我仲可以選擇開開心心唔使靠任何醫藥咁去過每一日而唔係連開心與否都冇得選擇既悲慘人生。