9月29日，Hugo如常陪我出去晨運，不過仲係BB既佢仲未係好定性，當被其他生物挑釁就會好易暴跳如雷！回家途中Hugo被挑釁期間剛好遇見爸爸出門，而就係我嘗試控制興奮中既Hugo冷靜番落來既時侯，爸喺車裏面呼叫Hugo，令到Hugo情緒更加高漲，我頓時白眼望住爸爸，令到爸爸非常之唔好受，因為呢件事當爸爸回到家中既時侯，我地鬧左一場交，但因為咁樣，我講出左一直係我心裡面放唔低既事實，爸聽完靜咗落嚟，而佢之後既回應我亦唔想公開，不過可以講係正面既，而我亦都連最後一個有可能使我人生有遺憾嘅可能性都清除咗埋啦，我要講嘅都講咗啦，我知道當下我只要好好完成我未完既旅程之後就可以好安心咁離開啦。

人生呢個旅程裏面遇見好多唔同嘅人同生命，好似兄弟兩脅插刀上刀山落油鑊，情人嘅山盟海誓死都要死喺你懷抱呢類信口開河嘅說話，令我明白自己係真正既小眾，有位交心嘅朋友同我講，我地都唔係地球人嚟㗎，地球人真係好危險😅。

我既經歷令我明白到，所有生命都只係借緊大地既資源來經歷呢一個生命周期，所以我哋從來沒有擁有任何東西包括自己嘅身體，人生總有完成既一日，結果係無一例外要把一切歸還，好多時我都唔想自己嘅直覺成為事實，可惜既係我就好似係山頂睇到遠處有危險而向山下作既人作出警告既傻人一樣，山下嘅人跟本好難聽得入耳，聽到既亦都無法理解及體會。最後時間亦都證明咗每個人都有自己要行嘅路就算我作出幾多嘅犧牲我都唔會改變得到每個人要行嘅經歷。

所以9月29日係一個好值得我去記住嘅日子，就好似對一啲我唔捨得嘅人，明明對方對自己唔好，我都會一次又一次咁比機會佢，直到証明大家連朋友都不如既時侯，我亦只好放手彼此嘅緣份，因為我已經做晒我應該做嘅嘢。發球權已經唔再喺我度🥹，我已經將所有嘅發售權掟晒出去啦💪🏼