鄰居A好鍾意係人背後講是非，有時仲要加上自己嘅幻想同埋批判，相信佢詆毁左人連佢自己都唔知，所以其他鄰居都開始疏遠佢，近日呢位鄰居A因為有事想搵人幫忙所以搵咗位佢得罪過嘅鄰居J，扮冇野叫鄰居J有咩不滿就開心建成同佢講，最終鄰居J都應承幫佢不過依然係保持一段距離，呢個世界就係有啲人自己得罪咗人之後，又唔願意付出去修補大家嘅關係，同時間又要別人不要改變對自既態度，係厚面皮啊還是係傻㗎呢？

其實無論係家人，情侶或朋友關係都好，做錯野其實唔緊要，但錯果一方最起碼要學識將心比己，諗下點樣補救，而唔係老馮覺得別人一定要原諒自己，最終最起碼做晒自己可以做嘅嘢或者承諾，我最近都有同樣嘅問題，但我係被得罪嗰個，固之然係唔開心嘅，但起碼盡咗我嘅承諾，所以我已經完全放低了，明知對方都唔珍惜我都冇必要糾纏落去啦！

其實我自己一路都有個問題，就係唔喜歡同人講拜拜，細個時候去遊樂場玩迴旋木馬之後要離開遊樂場我對住啲木馬講拜拜跟住就會飲泣流淚，所以好多時我都會好似自己玩自己一樣去關心一啲跟本唔珍惜自己既人，好可惜嘅係現實講俾我聽呢啲人都係變成我所預期嘅一樣，當然我選擇左離開都唔可以有啲咩期望，不過我真係有呢種犯賤嘅感覺，直到最後我可以好肯定佢已經變成我預期一樣嘅話，我就會死心跟住真正放低佢。