真係冇諗過一位由細玩到大既老表A，可以喺瞬間由一個長年以來都唔多出聲講嘢亦好似唔識得待人接物既車痴變成一個會吹噓自己爸爸係釣魚高高手同自己好識食，仲要識得安排飯局拉大隊使到人們要推掉工作而跟佢去流浮山食海鮮。我爸媽知道呢件事都覺得愕然，點都諗唔到老表A會有咁既一面，真係大開眼界，亦都真真正正地確認咗我父母成日都話老表A搵我老襯既事實！老實講我終於可以認真地對所有親戚完全死心了！🤣👎🏼

至於細節就唔詳細描述，因為唔想牽涉到其他人，畢竟被利用及覺得心寒既只係我，反正我要幫佢嘅嘢都幫咗，佢亦都覺得自己上咗軌道，所以先至唔需要再聯絡我，之後佢點樣係佢自己嘅造化，我亦都離開左呢個每星期既聚會，原因係怕我忍唔住爆佢大鑊影響到其他人，更加唔想好似過去幾個月以來咁影響到自己嘅情緒，因為真係好假，我唔想幫佢扮好人！

當然我都有我既唔捨得，畢竟呢一個聚會由一開始到而家我幾乎每個星期都會出席，但我知老表A佢180度既轉變應該有佢嘅目的，我都冇必要去破壞佢，但亦都唔想參與其中，所以自己選擇離開囉！其實我成日都唔想自己既感覺變成事實，就算把口講得幾硬都好，我對任何人其實都比好多次機會，希望對方唔好好似我嘅感覺一樣，但係好可惜事實總係殘酷😔往往最後見到嘅都係我感覺一樣😮‍💨，仲要有證有據想唔信都唔得！