因為爸爸睇YouTube講起英國買車既問題，所以唔小心同父母爆左當年朋友A係英國幫我買車，跟住朋友A用左來幫女友搬屋之後我第一次試揸就爆水管仲要俾流出來既水燙傷隻腳，果架車之後一直都冇揸過，朋友A話會整好佢，但等到車廂裡面好似魚缸一樣有啲浮游生物游嚟游去都冇整過。之後我自己買咗架Mini Copper，揸揸下有問題，朋友A又話好簡單等佢整，但最後買到車房一大堆tools都係冇整到，最後經朋友A介紹之下買左架Golf，我都冇再俾朋友A整車而係直接搵番VW做維修。

爸爸知道之後當然又話我唔應該相信朋友A啦，而就係媽媽就有啲嬲既時侯我至發覺原來佢地係唔知道呢件事，媽媽問點解要相信完朋友A一次又一次，我同媽媽講其實架車整唔到都唔緊要，如果對方真係攞個心出來既話，但假以時日相處耐左你就會知道果個人既心同目的係咩，總好過自己後悔沒有付出同相信過啊！所以講番起當年呢啲事來到今日我覺得自己對朋友A已經盡咗努力，起碼我冇野後悔！

而我從來唔會隨便應承人任何野，因為自己應承咗人我都會盡量去做，除非對方首先違反承諾在先！而我自己最憎就係嗰啲應承人既時侯就乜都得，但做出嚟嘅時候就做啲唔做啲其實好鬼核突，當然每個人既標準都唔一樣所以有啲人係永遠都不能成為朋友既，有緣識到一個人都要你懂得珍惜，至會有呢個份額可以一齊既，不講係家人，情人或者朋友都係一樣。

有時回想返呢啲事其實都係比自己一個警惕，其他人哋點樣對自己控制唔到，不過起碼自我控制唔好做相同嘅嘢去傷害其他人囉！