尋晚朋友A、朋友T同我出席同一場合，因為之前既事朋友T問起我與朋友A之間既事，我就如實告知其實朋友A係上次function之後就消失左一輪，之後突然有日同我講係之前既Function冇同我影相真係可惜，因為我唔想對住識咗咁多年既朋友都帶著假面具做人所以我好直接同朋友A講，你覺得可惜點解當時唔搵我影呢？朋友A既回答係已經過去了，而我亦冇追問落去，最後對話係提醒朋友A要自己搞番果啲我一直幫佢既繳費，因為早幾年都試過咁幫佢俾咗錢佢會突然失蹤到最後變左幫佢白俾。

朋友T聽完之後就同我打賭朋友A會係尋晚嘅聚會之後扮冇野同我地一齊搭車離開縱使我本身要去買本遊戲攻略至去搭車都好啦，朋友T仍然覺得朋友A應該會主動等埋一齊搭車，皆因朋友A同我都係住係同一區，但我好斬釘截鐵咁同朋友T講朋友A唔會，因為我覺得對朋友A並不是一個會將心比己嘅人，相處咁多年我好明白朋友A自己覺得佢好尊重同珍惜大家既友誼，不過卻係逃避面對一啲自己對人好唔既野事，所以每每有問題佢都會潛水。我覺得呢啲係人性來既其實無可厚非，所以都唔應該怪責佢任何野，只係因為明知朋友A咁多年佢都係咁好似冇咩必要繼續自己攞苦嚟辛，有點累！

到最後尋晚我們三人離開會場既時侯，我話我要去買啲野，朋友A立即話好啊拜拜！朋友T當時有啲愕然，而我呢就預計左㗎啦不過當然都會有心灰既感覺當然會有既，但既然明知大家對珍惜朋友既睇法唔一樣既時候，而且講亦都直接講過，遷就亦都好多次都係磨合唔到嘅時候，咪自己保持番啲距離囉，最後我都係買唔到嗰本攻略，所以要等下次出去買！😅