還記得讀第一個碩士嘅時候教授同我講,建設一棟大廈需要嘅時間可能需要三年,但摧毁佢唔需要三個鐘.

其實係好多事情上面都係一樣,就好似人與人之間嘅關係,互信係得來不易,而且相當脆弱. 當自己一手摧毁與人之間嘅信賴之後再一次建立起來嘅話真係唔易.

所以我自己好多時都會將心比己,尤其係一些有機會令到其他人唔愉快嘅事情,我會先問自己如果對方做相同既事對自己是否真的唔介意.但就算有咁既思維都唔一定唔會另對方難堪,而且好多時人都有矛盾,好多情況之下都會比自己嘅慾望所蒙蔽,導至就算自己介意嘅事情都會施加係其他人嘅身上.

到自己發現自己一手摧毁嘅時候總係覺得後悔,而可惜既係大部份嘅人總係選擇逃避, 而唔會去修補自己既過失.我諗呢一個在失敗者嘅思維罷.幸好嘅係我自己唔係選擇逃避既這個群呢.

過去幾日天氣好差抬頭望上天只能見到一嚿嚿嘅雲,星星跟月亮就好似去左偷情一樣！