香港🇭🇰出世既我，係一個客家同東莞溝埋而成既客家東莞混種人，由物質社會包圍而成長既我，長大既過往程中都經歷過鍾意收集玩具同遊戲機，著衫要光鮮買袋要名牌波鞋要限量，骨子裏就係喜歡炫耀而且凡事都想威，有陣時仲會為面子而講大話，諗起都真係無謂🤦🏻‍♂️

當年係會考前果一個12月初既星期一，祖母同我地一齊飲茶食飯跟住就係同一星期六早上突然入醫院，而係當日晚上就離開左我地，當時我連眼淚都唔識流，根本唔可以理解發生緊咩事，因為祖母沒有嚴重既病痛，呢件事使我對人生既睇法同自己應該點樣去行落去有好大既反思，後來我去左英國讀書生活，其間睇會到父母，親戚同朋友對自己既人情冷暖，發覺好多野唔可以睇表面，同時間我亦明白到其他人點樣對待自己，我控制唔到所以唔需要太過介懷，做左自己可以做既唔好後悔就算，而隨著經歷多左我對自己人生既想法都唔再一樣，所謂嘅自己其實非常之渺小，唯一可以稱之為擁有嘅可能只有思想或者意志，其餘所有物質上嘅嘢包括自己嘅身體，都係呢個偉大既世界暫時借住俾我用來去經歷呢一個人生，所以我其實什麼也沒有什麼也不是🤪❗️

而呢個Blog主要係為左俾自己一個回顧及反省既機會，當然公開得既俾一啲想關心下我嘅人睇都都冇乜所謂嘅，多謝你來閱讀我嘅牢騷🙏🏼，最後如果對私底下有咩事搵我可以email俾我，謝謝。