自從上年九月啊金離開左我地之後，一連串係身邊發生既事，令我真係冇心情再去寫blog來記錄，直至近日開開心心地完成左演奏會，都係時侯update一下為2025做一個總結，雖然這一年並不是好多事發生，而且命運好似俾我再一次睇到一個十幾年前既一個循環一樣，十幾年前所發生既人同事好似又要再發生一樣，唔同既係今次所有野都早有答案，所以我處理方式亦不再一樣，這些事情都一次又一次提醒我不要忙記memento mori，同時不要随便介入別人既『業』，因為每個人既業不一樣，強行介入唔止幫唔到人，更好大機會令孽力加深。

聖誕節既時侯，我因為怕自己既夢境成真，所以把應該要同有關嘅人要講既說話都講完了，心情變得輕鬆多了，同時間我深深體會到每個人都真係有佢地要行既路，局外人永遠都會睇得更清，但真係唔應該多事！我真係蠢左好多年，要經過咁多年至學識！

早前可能因為自己太多事，自己既工作同Studies好似有點停滯不前，進退失據既感覺，至於拉琴，我來緊星期五已經約左老師上課，係時候好好應真地完成該做既事，要努力一點去享受剩低嘅日子，確實地Sparkie同啊金既離開所對我做成既影響遠比我想像中既大，幸好父母同幾位好Close既朋友以及Angie同Sir Hugo係我既身邊，幫我渡過呢種空洞既感覺。

宏福苑既火災雖然唔關我事，但火災既翌日我正正係大埔既救世軍中心義教大提琴，見到災民既徬徨無助，我自覺我真係好無能，真係無咩可以幫到佢地，媽媽睇新聞睇到喊，爸爸打草地滾球既波友正正住係宏福苑，不幸中之大幸，人無事，但真係咩都冇晒！物質確實不是人生要追求既野，除咗帶唔走之外，唔好彩一把火真係咩都冇晒！人生無常，真係要好好珍惜身邊既一切關係，好好享受每一日既平淡！