整整一個月沒有時間上大提琴課，上課既時侯老師問起我近況，以及仲有冇接觸過老表Alan，因為老師知道我對Alan唔差，佢以為時間過左我會搵番Alan，但實情係撇開晒眾多唔開心嘅事件，錢銀或者利益關係嘅嘢唔多講，但最後佢係樂團嘗試用曖昧嘅方式撩人妻開房，搞到個女團員要嚟聯絡我之後我地就沒有再聯絡過，不過今日講起佢令我知道已經原諒咗佢，因為講起佢既時侯我心情都好平靜好舒暢，當然緣份嘅嘢喺雙方都未死之前都有機會可以拉攏返來既，不過俾人蝦嗰個始終係我，我冇理由咁無聊自己走去搵對方再嚟蝦自己㗎嘛，就算有機會再見面都好啦，除非傷害過自己既人真係對自己好好嘅啫，如果唔係都唔會咁容易加再交心罷！始終人與人之間嘅關係係要用時間去建立嘅，不過事實亦都講俾我聽我對Alan嘅友誼與Alan點樣去對我呢個朋友其實真係唔一樣。好可悲地我人生當中唔係好多個我可以為方犧牲到影響自己事業學業及人生嘅朋友都係令我感到失望收場。所以對於Alan我無悔，因為我確實已經做晒可以做嘅嘢！😉

反而Sparkie既離開對我影響真係好大，過去一年當中要不是需要照顧Hugo，我諗屋企一定會有種陰霾嘅感覺，雖然呢段時間唔係好傷心咁過渡咗，但係各方面我都有啲進退失據嘅感覺，經老師一問，我好似有啲醒左既感覺，我要更加好好鞭策自己利用餘下唔多嘅時間好好咁利埋佢，亦因為咁我開始會好認真咁去準備考試同埋拉一啲比較難處理嘅曲目！💪🏼