唔經唔覺咁又過咗半年，時間過得好似好快同時間唔係好實在咁，生活唔係好充實咁，連自己忙緊咩都唔係好清楚咁。近幾個月突然間做什麼事都提不起勁，自己好似變得越嚟越無咩所求咁，感覺隨時離開呢個世界都冇乜所謂，做任何事只要唔好辛苦就可以。最初我以為係生活飲食習慣既改變而令自己有呢種感覺，直到媽媽生日，見到Angie望住生日蛋糕果一種興奮既傻樣對比上年同一時間既佢就好似與世隔絕既兩個樣子，我開始明白其實唔多唔少我都未完全放低過去幾年所發生既事情，再加上一位好耐冇連絡既朋友Message我，我就更加肯定！

經過好好咁放空一下同發下夢之後，我發覺我確實對自己有點不滿，對於其他人及生命我雖然已經做晒當時可以做既事，但回想起來有些地方確實可以做得更好，某程度上應該係我太理性去處理事情所至，畢竟時間過左就係過左，所以我要係呢個人生裡面學會原諒所有人包括自己，接著要活出一個最好版本嘅自己，仲有就係時間真係唔會等人，人與人之間及與其他動物之間既相處時間，係自己爭取返嚟！

諗通之後，世界對我來講好似又唔同左，我更加感恩生命中遇到既人同動物，生命長短唔到我地去選擇，但點樣去同每一個人或動物互動卻係自己既取捨，Angie係媽既生日既反應以及朋友既message，令我突然間醒過來了！