人生總會遇到唔好既緣份，更甚者可能會遇到魔鬼，而魔鬼永遠都唔會同你講佢自己就係魔鬼，更加唔可能想避就避得開，綜合咁多年來所遇到呢啲唔好嘅緣份，我明白佢地可以係同你有唔同既關係，佢哋可以係你嘅情人你嘅朋友其實甚至乎係你嘅家人，我發覺只要你自己唔好諗住喺別人身上貪圖任何利益嘅話，好自然直覺就會講俾你聽對方係一個咩既人，有啲時候我都唔想去相信直覺，我會選擇觀察，好可惜嘅係時間會顯然真實，而魔鬼總係會有露出尾巴既時侯，當然會有種唏噓感，不過我都會提醒自己要放低，我覺得呢個就係我呢個人生裏面其中一樣要做嘅功課☺️

每個人嘅人生都唔一樣都係自己選擇嘅，就算選擇成為魔鬼都係一種選擇，而家諗返起起嚟，其實我真係有病，因為嘗試去感化一啲為咗自己慾望而用冠冕堂皇嘅藉口去美化自己既壞人衰人，什麼我係我果行已經唔係最黑心果個，什麼人不為己 天誅地滅，其實佢地早已拋棄做好人，只為滿足一己私利，而家諗返起自己真係天真同埋愚昧，呢啲人根本唔會因為我嘅小道理而有所改變，不過我真係好好彩，正正因為自己冇諗住喺呢啲人身上攞咩着數，所以先至睇得到呢啲人嘅真實，最後亦經過時間得以證實自己抽身係正確，所以不得不相信自己嘅直覺。

當然我依然好天真地，相信魔鬼係可以變成天使，只係我學識我冇咁嘅能力同技能去令到佢哋醒覺啫😉