因為Angie對Sparkie既離開而引起既抑鬱越來越嚴重，生活變得沒有寄托一樣，生活習慣一日比一日反常，所以屋企係不得不試試既情況之下決定幫佢搵番個伴，最初因為媽媽本身怕狗既關係（因為媽媽被公公農場既唐狗圍攻過），加上爸爸對於狗狗氣味吸狗狗脫毛嘅問題，所以我地都鎖定搵返一隻Poodle BB，不過經過左都好一段時間都搵唔到合適嘅對像，加上Angie既情況越來越嚴重而剛好Angie既美容師Celia有幾隻沙皮BB出世剛滿兩個月大，所以係7月11日我地帶埋Angie去見一見呢幾隻小沙皮，假若Angie抗拒嘅話接返嚟都冇意思，對住小沙皮Angie沒有明顯嘅惡意，反而對佢有少少興趣，同埋好奇，雖然未至於好鍾意，但我覺得應該可以幫到Angie，而係爸媽都可以接受既情況次下，我地帶左呢隻小沙皮返屋企並改名為Hugo。

Hugo來自Poodle Dynasty，係一隻5月5日出生既沙皮狗，佢既出生日期令我想起一個我好鍾意既人，本來想用呢個人既名來命名佢，但爸爸唔喜歡個名既尾音，所以最終改名為Hugo！我本身都擔心有啲倉猝地接一隻狗BB返屋企會有問題，但Poodle Dynasty既Celia作為一個有責任感既Breeder，真係做得好好👍，Hugo來到既第一個晚上，完全沒有嚴重既吵鬧，Hugo一出世應該就接受近人既Crate Training所以唔會有入籠既問題，我回到家就已經可以立刻教佢去狗狗既廁所大小二便，雖然最後都有三次佢忍唔到瀨咗尿，畢竟仲係BB，經過兩日既訓練已經再沒有排泄既問題，而且第二日已經可以教識佢叫佢Hugo會立即走過來，第三日開始教識佢聽指令跟住行，第四日學識食飯前要冷靜伏係地面等，第五日學識Sit，Hugo令我對沙皮狗改觀，一直以來對我對沙皮狗既印象係好難教好自我，記得有位姑姐養既沙皮狗，因為連主人都咬既關係，嗰隻沙皮狗媽媽生咗BB之後就生人勿近，唔容許任何人行近，最後讓成自己焗死晒啲BB既悲劇，同Hugo既對比好大！

Hugo來到屋企之後既呢幾日Angie有好明顯既轉變，Angie既眼睛有返神采，唔鍾意嘅時候又再擺款，簡直由怨婦變番做女王一樣，同時間又好享受有隻兵跟尾，唔鍾意嘅時候就喝佢走！我體會到狗狗同人一樣會有感情，但佢地對生命既離開同我地人類好唔同，亦都唔一定會釋懷自己，只係自己越來越唔開心咁，而我就算做幾多都代替唔到佢地既同類。

登出呢一篇Blog既時侯已經係Hugo來左我地屋企足足一星期，屋企既氣氛改變左好多，早兩日帶佢去Price Animal Clinic打左針，我亦餵左佢食杜蟲藥，好感謝Celia讓Hugo來到我地屋企，亦好感恩俾我地一家遇到Hugo俾佢陪伴我地及Angie同金金一起生活！再養一隻狗BB，狗種從來並非我自己需要考慮既因素，可能細過既時侯每星期總有幾日都會接觸到姑姐祖父母屋企所養既十幾隻不同品種既狗狗，有高身價既名種狗亦有自來既唐狗，所以唐狗或名種狗都並非我考慮既因素，反而只係屋企人接受與否以及狗狗本身既Temperament，才是我要認真思索，畢竟係一齊生活既家人嗎。最初選擇Poodle基本上都係因為父母，今次Hugo係一個緣份，我希望可以同佢一齊係呢個世界多一點既探索及再豐富一點既經歷！