好多年前，朋友既媽要跟他人去到澳洲生活，我勸朋友佢跟媽媽一起移民，所以好一段時間都冇見面，之後佢曾經番過來香港，得知佢番來香港前三個月我就以經請佢約定幾時見過面，可是三個月都俾唔到時間我，縱使佢返到來香港既時侯明知大家係隔離街，佢都有唔同既理由連見過面都唔得，所以之後大家就開始不相往來，近日佢番到香港，因為佢媽媽約我父母飲茶，所以我拜托媽媽把一盒朋友送給我既手作模型歸還給他，原因係我真係冇理由Keep住一個連同自己見個面都無時間既人所做既模型，但同時間我亦唔想當垃圾咁去處理人家既手作，所以最好還是物歸原主。

媽媽今日返到來諗住同我交代番見面既過程，但我同媽媽講唔需要啦，因為我真係唔想知，咁多年來我已經做晒我可以做既野，佢亦有佢既選擇，只係我冇理由把人地既手作當垃圾咁處理而已，人與人之間，緣係一個機會，份係人為既。要珍惜既自然會珍惜，唔珍惜既亦都冇必要強求，雖然係有啲唏噓，但總好過帶住面具去扮嘢啦！