今日已經年初五，因為Sparkie一月中既時候有幾聲咳，所以媽咪事先張揚，叫親戚朋友唔好來我哋屋企拜年，雖然過年前兩星期Sparkie已經生龍活虎，冇咩問題但媽咪都係寧可落得清靜，唔想招呼人番屋企，縱使我地都做足過年既野，由買花，佈置而至過年既全盒，都一一做足，跟住初一早上同父母去左接運，初二早上食開年飯，無咗不必要既寒暄‌，休休閒閒咁過，今年新年特別身心愉快！

初三我就留左係屋企，工作睇書練琴打機，初四同媽媽及朋友出咗TST食飯，市面唔太多人，以往要等上兩小時既食店Walk-in就有位！到左今日初五，我開始回復一路以來既生活習慣，畢竟同時拉兩個樂團，義教小朋友拉大提琴，仲有自己既工作及Research，真係冇幾多時間！雖然無招呼人番屋企，但父母過去幾日都有搵人拜年，回到家中講起佢地拜年既對象真係有啲唏噓，果啲沒有必要移民既人總係有一啲讓自己理所當然要走既理由，而拋棄自己既家人去遠走高飛。當然唔可以話對錯，呢個只係一個選擇，但當理由唔係咁充分既時候而又要犧牲其他人既話，不得不承認呢種就係自私囉！我好好彩冇呢啲問題，亦都因為過去既十年既經歷而有所領悟，更好好彩一啲事既Trigger令我對生活飲食既改變，上年係一個好大嘅改變，就好似為咗來緊要好好體驗呢個人生遊戲而作出既改變！相反見到果啲窮一生只為自身利益仲要東奔西跑到頭來得個吉既人，真係戥佢地可憐，因為佢地永遠都唔明白”No amount of money ever bought a second of time.”呢個道理，當後悔既時候已經番唔到轉頭，所以我非常之感恩🙏唔需要過呢種自欺欺人既人生，並且珍惜果啲同樣珍惜自己既家人朋友及師長！

至於明天初六又要幫小朋友們上堂，都係一種好好嘅經歷，見到學生們努力練琴，已經係佢俾我最好既新年禮物，至於初七就去攞一早訂左既蛋糕同父母一齊慶祝人日，咁呢個新年就完滿並正式開始2024龍年既旅程！