近日因為一個來自我個Blog既Post，引起朋友問我有關糖尿病嘅問題，其實直至今年生日之前，認知告訴我因為祖母既遺傳，我遲早都會有糖尿病以及由細到大都有遺傳性肥胖，而事實由細到大，我做咩運動都冇咩幫助，仲記得初初英國番來既時侯，有段時間每日做三小時運動，確實地半年左右係減左50磅體重，不過人會好累，而且每過一段時間關節就會痛，直至近年這些關節痛變得周期性，初初以為係扭親，跟住諗係咪風濕，後期我知道係痛風。

跟住過去幾年既疫情，使我比以往更注意自身既健康以及更加明白現代醫學既偉大及佢地所創造嘅機遇，好似糖尿病、痛風呢啲好譜通既病痛，只要睇醫生就可以解決，佢地既一條龍服務，只要有錢就無咩問題。所以我明白好多人都要努力去搵錢，可以去玩去買去旅行之餘，仲要錢來醫病。

不過我近十年見到既自己既親人朋友以及自己隻狗既經歷，令我唔係好想用錢來倚靠現代醫學吊住自己條命，見識過爸爸聽姑姐講食左啲藥之後一日之間變到好似喪屍一樣既情況，當時媽媽同我都嚇到唔敢多言，怕亂講野變成事實，朋友既家人因為糖尿病開始倚靠醫藥直到近期既情況，加上自己學術上同科研嘅背景，我好清楚這不是我想要既Quality of Life。

但過去既一段時間我確實係覺得好frustrated，因為好似做咩都冇用，經過好一段時間既資料蒐集，同埋睇咗唔少嘅論文之後，我開始審視同埋改變自己日生活同飲食習慣，係幾個月既經歷裡面，我身體有好明顯既改變，所謂既痛風已經冇再出現，一直以來腸胃嘅問題冇晒，自十八、九幾歲係手臂上嘅紅點粒粒完全消失，做左三年幾停滯不前既Weight Training，係過去三個月有好明顯既進步，情緒上心態上，完完全全地改變，整個人都不再一樣，原來可以唔會咁易攰，要瞓就會瞓到，還有好多問題都改善晒。

不過我唔打算係Blog上面分享我既方法，因為知其一二不如不知，加上我私底下同朋友傾過之後，我更加確定除非同住或成日見面，否則我嘅方式好少人可以實行得到，因為不知不覺間原來我改變左既野太多，基本上要1對1形式去監督對方至可以實行得到。當然到最後每個人選擇既人生都唔一樣，但我非常明確地知道自己並非想要果種用金錢來吊住條命既人生，因為keep住要食💊打💉既生活實，並不是真正既自己。