過去幾年認清楚一啲朋友既本質，以及自己對於友情既天真就好似一個傻仔咁去相信果啲對於關係隨隨便便既人話會同你山盟海誓一樣，又或者話分開左大家再見亦是朋友咁，其實都只係戲言，與這類型人交流其實會非常內耗自己既精神同時間，更甚者會影響自己嘅情緒。同時間這幾年世界既轉變，加上疫情既經歷使我見到好多人性上既慈悲為懷不過亦有好多愚昧無知，但正正因為咁樣我接觸多左關於健康既資訊以及論文。再加上我既companion心臟病引至肺積水，出院後反到屋企佢係我懷中我聽住佢既心跳慢慢地越來越細聲接近無聲果一剎那眼淚完全控制唔到地流出來，因為佢真係幫左我同父母之間既關係好多好多，令我體會到好多野，學識好多野，真係唔希望佢咁痛若就離開， 好好彩最後佢捱得過去，而家仲食得玩得瞓得🥲。

經過呢啲事之後我開始好好咁反省自己，我覺得自己既人生有啲偏離咗自己所想嘅方向，但同時間好似番唔到轉頭咁，我不斷去思考直至今年六月十二日，我正正式式咁改變晒自己既飲食生活習慣以及待人接物嘅態度，經過幾個月來既改變，我由身體主道既人生慢慢改為意識主道自己既人生。

關於意識主道呢，用一個比喻來講就係，我唔會再因為見到甜野就由得自己去食甜野，我只會食一啲身體需要既野，以前既我只要想食就食，其實呢一種就係身體控制自己既一種體驗，情緒及心理方面我減少接觸不必要既資訊例如Instagram、Facebook、YouTube，交友Apps就更加係完全冇用！係呢段時間，我醒覺自己需要既野其實唔係好多，生活變得簡單，但滿足而且好享受，更加有動力體力同精神去追求自己既想做既野，心情舒暢咗好多，處理事情嘅方式亦都改變咗好多。我實在係好感恩，可以有咁既改變就好似重生一樣，明白一路以來被灌輸既所謂既真實原來未必係事實既全部，就好似小食多餐，一定要食早餐，因為你屋企人有糖尿病所以你好大機會有糖尿病，甚至去到人與人之間嘅關係，生活要點點點…..blah blah blah，其實被灌輸嘅未必係自己所需要嘅甚至乎可能會係有害既添。當然我亦唔打算與人爭辯，因為我所選擇既生活方式未必適合喺其他人身上，只不過因為我叫讀左幾年書，做過下科研加上自身經歷所見到既令我知道倚靠藥物生存係點樣既一回事，而自己唔希望咁過姐。 另一方面，我開始戒掉好多無必要既習慣，譬如得閒就睇吓Social Network既野以及無必要既gathering，避免影響自己嘅情緒，我把時間更加集中係自己既工作及學習方面，亦開始安排義教既工作。💪🏼😉