友人S(化名)講起佢同前男友咁多年離離合合既問題，最終都係正式散左原因係友人S既工作需要輪更，而且一更既時間比保安長得多，而佢男友就係一個好計算既生意人(令我諗起一位已經唔係朋友既人兄🤣)，好多次因為友人S想多點見男友而轉行，但男友反對因為覺得S既工作好有意義，問題係友人S既前男朋友仔成日飛來飛去，當自己得閒既時侯就想友人S陪伴自己，友人S亦盡量配合不過久而久之其實工作與愛情好難共存，因為友人S多次同前男友傾都係冇結果，前男友覺得別人陪自己好似理所當然咁。亦因為咁佢地離離合合左好多次，友人S最終覺得好累而離開。因為佢同前男友既關係使我聯想到自己既人際關係都有同樣既問題，而引伸近年學識既一個概念——『關係斷捨離』。

人與人之間本來可以好簡單，但係隨著時間經歷同埋個人欲望既改變，使本來簡單既關係變得複雜，就好似友人S既前男友咁，其實係好自私地為了自己賺取金錢同時間想有一個伴侶而消耗緊友人S最貴既時間同精神。同樣地我都試過為唔同既關係付出過，但總係有啲人唔會珍惜，而自己會因為不同既原因而不能自拔地付出，就好似老表同我之間既關係，因為大家由細玩到大好多野都無所謂，就算明知對方消費緊我不斷幫佢既時間心力同金錢都好，我都仲係不斷付出，甚至乎去到令到我爸爸都妒忌嘅程度，但人心難測正正因為由細玩到大所以我盡信老表既說話，所以我自己都有責任。

咁多年以來我都唔係完全感覺得到老表呃我，只係我冇咩所謂，甚至乎父母罵我好過份相信佢，我都話無咩所謂，因為大家一齊大，呃咪呃囉由佢啦，不過自從帶老表入咗樂團一段時間，當老表覺得係樂團裏面站穩咗陣腳咗之後，就開始過橋抽板立即同我斬纜嘅感覺，並做出好多小動作，私下亦不再聯絡，但人前就扮Nice 同我打招呼，所以我因為佢連樂團都唔去，但正正我離開左佢就更加變本加厲地去騷擾人，而受佢騷擾嘅人因為搵唔到人幫，所以聯絡咗我，我至終於明白點解佢咁想我走，同老表參加樂團嘅目的。

好彩既係我運氣真係唔錯，亦真係好感謝樂團，如果唔係因為帶老表入樂團嘅話，我有好多人生上既規劃或工作盡可能都會預埋老表一份，就算心底裡面覺得有問題都會慣性妥協，從而應該會引發更加大嘅問題。另外亦學懂咗什麼是關係斷捨離，而不要拖拖拉拉。因為要是對方珍惜自己既話，就跟本不會讓大家既關係去到斷捨離既程度，單方面既付出係冇意思，人與人之間既關係都係需要經營既，而唔係有需要既時侯至去搵對方。