近期因為Netflix將會有真人版嘅One Piece，所以喺空閒嘅時候我就重溫One Piece既動畫，呢套動漫帶俾我好多回憶，唔多唔少我都被One Piece呢類動漫影響到，所以會憧憬自己可以有一班為夢想而努力既同伴朋友，可惜既係我人生遇到既人大部份既人都沒有D既意志，做人只係為了自身既利益，曾經有位同我講佢冇錢唔得既生意人話喜歡One Piece，其實真係好侮辱套動漫。🤣

過去幾年有位朋友真係使我感到非常失望，最後雖然我心裡面真係好想問呢啲人，自身利益真係可以凌駕一切嗎？不過最後都放棄左，因為我知對方都唔會講真話，更何況佢都怕見到我😂。就好似有啲人拍拖既時使講山盟海誓當食生菜，一生一世只會愛呢個人，但係當分咗手嘅時候連普通朋友都不如，只會懂得埋怨對方一樣。

不過多得呢啲事我更加覺得我冇選擇錯誤，我做晒自己所能做既事，起碼我唔會後悔，就好似草帽所講嘅咁，就算係過程中死左最終做唔成海賊王，都笑住去死唔會後悔一樣，人生我地未必可以控制結果，但可以選擇自己點做人，有愛既人性人渣既人性都係人性既一種，最終只係人自己既選擇。

我係一個幸運既人， 因為我可以選擇自己做一個點既人。🙏