近兩個月時間排得密麻麻，連寫Blog記錄一下都唔得閒。因為改變左自己既生活飲食習慣之後，好似獲得一個新既生命一樣， 真係從來冇諗過原來自己原來可以咁樣生活。

不過諗深一層真心感謝果啲我永遠都唔會親身多謝既人，就好似我二年班既時侯塞我食煙既ex姑丈，未夠十歲就教我飲酒既爺爺，唔係佢地，我唔會煙酒不沾，咁就算睇到近幾年既研究論文，我都無辦法又或者好難改變自己既生活習慣。唔係認識果啲黑心商人朋友同埋無良心既老表們，我唔會學懂為自己珍惜既人付出換來無悔人生既可貴。更唔會睇到只係用金錢來維持健康既可悲，以及被欲望支配既恐怖。

其實生命既終結都係一樣，關鍵係選擇要一個點樣既人生，道理好多人都明白，但可惜好多人總係俾好多理由自己去選擇一個自己唔係自己想要既人生。