三年幾既疫情改變左我對醫療體制既睇法，我唔想再依賴醫生及藥物來過我既人生，所以使我不得不反省自己既生活及飲食習慣，六月開始我一步一步地改變左自己既生活及飲食習慣，身體開始左變化， 首先係冇咁易有疲累嘅感覺，跟住冇再成日肚餓想食野既感覺，最意想不到既係我發現自己對於事既決策過程亦改變左，對於事情既睇法及處理手法亦不一樣，好神奇！

跟住係我冇增加運動量既情況之下，我肚腩開始收縮，係縮到啲褲要用皮帶將褲頭打摺至唔會跣落嚟，對於溫度既感覺同埋容忍程度亦明顯改變左，唔再需要成日開冷氣，近來就算三十幾度，我晚上開一把USB風扇就可以一覺瞓天光。

要知道以上既改變只係一個月裡面發生，老實講我自己都覺得神奇，不過我唔打算係Blog上面公開自己既生活飲食習慣，畢竟我唔係咩專家，加上我本來就唔係諗住要瘦身，而且我既方法對於有食煙飲酒既人係唔會work，其中一個好重要既原因係飲酒所做成既脂肪肝基本上冇辦法逆轉，所以講來都冇用。

突然間，我覺得自己好似俾人搵左好多年笨咁，由細到大都被人灌輸好多錯誤既資訊🤣！