今早去左上環同朋友夾琴，食午餐既中途見到Alan係半開放式既餐廳外望入來之後再走到餐廳既另一邊再再望入來，最後都冇入到餐廳，我知佢見到我，因為其間我望左佢一眼，不過冇理佢。 我好明白其實就算自己點樣呃自己都好啦，去到一定要面對既時侯，自己總係會知道是非黑白， 如果唔係，Alan就唔使係餐廳出面望下望下又唔敢入來餐廳，更唔使好似過街老鼠咁。

大家由細玩到大，真係唔明點解要搞到咁，我曾經諗會唔會係我自己既問題，但唔係我叫佢為左溝人妻同係女都撩仲要唔知佢有心定無意咁玩分化。再者咁多年來所有大大小小既事事非非都係我單方面當無野主動去搵番佢，仲要下下幫佢搵埋學校老師，幫佢借錢還債，佢老豆都唔會做呢啲野，到頭來原來當我傻仔咁呃，仲要有事後唔好話道歉，就連一個message都冇。

我都認識好幾位呢類啲人兄，佢地教識我一樣好重要既野，就是不要對人多講道理，不要期待別人去理解自己，大道理唔係佢地唔懂而係佢選擇忘記而已。對於呢類人，佢地唔會珍惜彼此既情分，無必要難為自己，應把時間放係果啲會珍惜自己既人身上喔！