每每經過一啲地方，就會諗起一啲已經唔會再見到既人，亦令我諗起柏拉圖麥穂既故事，我好記得呢個故事，因為讀呢個故事既時侯正正係祖母離開之後，我係Edinburg Castle對出既山丘草坡上面同Tracy食緊Cheddar Cheese Sandwich， 故事大既係講柏拉圖請教老師蘇格拉底什麼是愛情，蘇格拉底叫柏拉圖去麥田裡面去摘一棵最靚既麥穗， 途中只可以向前行，不可以走回頭路，柏拉圖最後一棵都冇摘到，故事既意思係人對於愛情永遠都想搵最好，而錯過自己擁有既。其實我覺得唔止係愛情其實包括友情都係一樣， 當你不斷去選擇而不懂珍惜，其實永遠都唔會得到任何野。現代既科技將麥田放得更廣闊更茂盛。不論係朋友或者情人既選擇都變得更多選擇，但我就覺得每個係自己生命中出現過既人都係唔可以代替，可能呢個故事太入腦，而且係我祖母離開既事侯讀到，所以由果時開始我都會珍惜所遇到既人，因為珍惜所以對人既容忍大左，使人總覺得我事事都所謂，變得越來越過分，我通常都會好直接同自己珍惜既人講出問題，但往往對方覺得我份人冇咩所謂，只會當我既說話係耳邊風，最終大家越行越遠，就算我當無事，對方都唔想面對自己既問題而選擇消失。

所以當經過一啲地方，諗起一啲人我總會有一種惋惜嘅感覺，不過我做到既都做左，既然唔係我無珍惜麥穗，而係麥穗自己枯萎，我都冇嘢可以做得，呢個亦都係每個生命自己既選擇。