人生總有好多事會後悔，縱使點樣提醒自己，都唔可能完全避免自己作出後悔既事，而且每日都會有後悔既事，小至唔記得淋花懶左無做運動，去到人際關係或者係人生大事。好多時一些後悔會令自己有所成長，但有啲後悔係永遠嫁，就好似只係想傳達一句說話一啲感覺給那些已經離世既家人或companion，我17歲就經歷過呢樣野，而呢個亦都係我其中一個永遠都彌補唔到既後悔。有啲後悔既事更加纏繞到今年我至放得低。

但我係呢啲後悔當中學會一樣野，就係面對後悔，發生過使自己尷尬既事，諗清諗楚點樣唔會再發生，對唔住某人既話盡可能睇吓點樣去補償俾人，應承左人既野做番俾人，別人得罪自己既，尋找方法令自己放低，冇必要散播仇恨，同時都希望佢好既。

因為我明白，補償別人唔代表解決左事情，可能只係一句說話，一個信息一個email，但起碼做左，而唔係有始無終咁自我感覺良好。活著係呢個世界唔係必然，人生每日都減少緊，如果自己唔面對後悔，當想補償既時候，時間未必咁好人等埋你。所以我不單盡量唔好做自己後悔既事，更加提醒自己要面對自己所後悔既事，睇下可否補償別人及自己！