朋友講起佢幾年前既因為接受唔到一個銅臭既男友所以分開左，而因為見到一單交通意外既新聞好似係佢前男友，所以就諗住關心一下，點知前男友既態度不單止沒有領情，仲要質疑佢呢樣果樣🤣，整到佢唔係好開心！

我覺得其實都係一件好事啊！証明朋友沒有選擇錯誤，正正因為有啲人窮得只有錢既時侯，真係好難交心，而經過分開一段時間之後朋友更加見到前男友既真面目，咁唔係好好咩？起碼証明左自己選擇正確啊，前男友當年講咩都係癈話罷，再見亦都唔係朋友，無必要理會，咁唔係好事咩？

每個人都會有自私既時侯，我都一樣有，但就係因為媽媽由細教我將心比己，所以永遠係邊緣位唔會做得太盡，不過因為咁樣做人，好多時俾人覺得我好多嘢都冇所謂，直至自己頂唔順既時侯，我就自己離開，好似我有幾位由細玩到大既朋友都係咁，我自問對Close既朋友係好冇所謂，就算影響自己工作考試，幫得到既我都會幫，我亦唔要求有任何回報，不過去到因為明明係對方有問題唔想面對我既時侯，冇道歉都唔緊要，但之後仲要不相往來既話，咁唔好理係朋友或情侶，其實都不要強求，經過咁多年之後，我明白到人與人之間既關係唔係單方面付出就可以，既然對方都唔係咁緊張，可以完全冇聯絡既話，呢類人連泛泛之交既普通朋友都不如，見到面都冇必要打招呼。為既係保護自己！好多時認清一個人之後，都未必似自己所想所希望既咁，但都要識得放開，就算當年幾天長地久又或者兩肋插刀都好啦，再見都不可能是朋友，由其係果種把自身利益放係第一位既人！我已經放棄可以講明白呢種人既可能性😅