呢個Easter好多人去左旅行，我諗起多年前層經有人同我討論過，其實有咗Google Map呢一類既發明之後，親身去旅行真係需要嗎？！來到今天VR帶給用家既感受可能俾親身去睇更加靚更加壯觀宏偉！就好似Dating Apps咁，當你去用呢啲Apps既時侯，就好似Shopping一樣，人總係會將自己認為最好既一面放上個Apps上面，去旅行既VR Apps都係一樣，咁同親身去，親自去Dating有咩分別呢？我覺得分別就係非自然及親身體驗既話資訊量會更多！

不過對我來講旅行去邊其實唔緊要，但我比較enjoy有個咩都講得既旅伴，我會希望每一個Adventure，都係一個可以回味既經歷。經歷唔一定係豪華開心，去到當地可能會同旅伴鬧交，可能會遇到唔好嘅事，但同時間亦都會有開心嘅回憶，見到當地人既民生。而唔係一個自High回想起來只係好似用Google App去完當地一樣既旅行。

所以不論虛擬世界，或者係真實世界都好啦，其實都係人生嘅經歷，反而係想點樣去經歷同咩人經歷至重要！就好似去#wizardingworld咁，景點幾Harry Potter都好，都唔會俾到係玩#hogwartslegacy 果一種體驗！我自己越來越唔喜歡果種去影幅相既景點，一個人就更加唔會去，亦好少去一啲人打咭既食店。

有時間都同朋友玩下音樂，打下機，抱下屋企狗狗，睇下戲，有時揸下車入大嶼山，加上屋企環境比我係英國更清靜，對我來講其實真係好過飛來飛去。