呢個幾星期好多時都係坐係Monitor前面等，所以就開住HBO睇戲。期間睇番Lord of the Rings 同 Hobbits，可能經歷既關係，所以套戲俾我既感覺同以前唔同左，著眼點亦唔同左，其實我地由細到大都有好多呢啲講人性同尊嚴既故事，但現實生活裏面有幾多人係權力金錢慾望面前可以作出正確嘅選擇呢？我係到諗寫呢啲故事既作者係咪都睇到世上既人唔夠人性，所以至寫下咁既故事？

曾經有位朋友成日將「人不為己 天誅地滅」掛係咀邊，有啲人認為呢一種係人性，但我就覺得係一種選擇，如果人性係咁既話，人類永遠都唔會可以進步，悲哀既歷史只會再一次循環，當然去到連食都冇得食既時候，我都可能係一個衰人，但如果已經兩餐溫飽，我唔會為左權力金錢同慾望而做一啲明知來緊做既野係污糟邋遢都去做。為了金錢、欲望或權力而整污糟自己對手，其實已經扭曲左人性。

又或者可能我有離開呢個世界既覺悟，亦好感恩我有既身邊既人同companions，物質上需要既野越來越少，感覺好多野跟本唔需要擁有，就算需要用既亦唔係好多。經過過去幾年，我明白可以同父母一齊食飯都唔一定係必然。真心希望世界會和平，人類向好既一方進步。