當我仲未領取成人身份證既時候祖母突然既離開使我明白，基本上所有財富物質都係帶唔走，所以人生對我來講就係一場經歷，而係過去幾年既經歷使我更加覺得每個人既人生都被賦予左C&C，我所指既唔係遊戲Command & Conquer而係Conscience & Choice。

同大部分既動物唔一樣，因為我地有良知，所以知道姦淫擄掠係唔啱，偷呃拐騙都唔係好嘢，同時間明白點解要有同情心、同理心。但就係有啲人為了欲望同利益權力，罔顧自己既良知而作出選擇。我有啲朋友明知自己做生意既過程其實係污糟邋遢，但為左錢明知污糟都去做，老實講連食都冇得食既話當然咩都要做，但如果係為左累積財富而違背自己既良知就係另一回事罷。

又好似我由細玩到大既老表，我當初覺真係好難相信佢為左自既己淫欲而唔罔顧幾十年既友情，想我離開樂團，直至被騷擾既女團員搵已經離開左樂團既我，我都冇得唔相信，其實佢咁大個人唔會唔知對錯，但就係為左自己既情慾而作出既選擇，。

經過咁多年我明白到，別人無必要喜歡我，包括生我既父母，記得爸爸同我講，祖父聽到我出世既消息不但沒有好開心，連去醫院探望都沒有，可能佢唔係好喜歡我爸爸啦，我仲好記得祖父好鍾意用佢喜歡果位外孫既名字來叫我，我試過當面問祖父，佢就支唔以對，所以我好早就明白別人冇必要喜歡自己呢個道理。

每個人都有良知，亦有佢地既選擇，就好似朋友為錢而選擇放棄良知，自然地多了一份扭曲既良知從而永遠都窮得只有錢，都唔知身邊既人係真情還是假意。為左情欲而放棄情義既老表，就好似永遠都覺得全世界都對自己唔好咁，因為佢自己從來唔會將心比心，只係諗喺別人身人攞著數，好難會有人同佢講真話呢！祖父選擇冷對待自己個孫咁個孫又點會有歸屬感呢？個人選擇冇話對錯，不過就要為自己既選擇而承擔罷。

我好好彩係關鍵時侯，有Sparkie同Angie既提醒，喚醒我既Conscience從而作出自己唔會後悔既Choice。再加經歷所見到既人同事作為一個參考，我活到今天都沒有選擇出賣自己嘅良知。