上星期一(27Feb)係一個好難忘既日子！Sparkie因為心臟病發肺積水引至呼吸困難，我抱住Sparkie同媽咪係太子一帶找可以為佢診症既獸醫，間間都話要預約，幾經波折之後同我搵到一間醫院收留咗佢留醫一晚，最後病情穩定左落來，其實早係2014年知佢有心臟病，只係唔想佢太早開始食藥引至其他身體機能既問題！由養Sparkie同Angie第一日開始我就知佢地生命比我地人類短，我可以報答佢地既係盡量唔好俾佢地辛苦，因為同佢地相處既過程中呢兩隻小狗幫左我同我屋企好多，唔係佢地我應該早返左去英國，而係過去三年既疫情之下我應該會好後悔， 因為人與人相處既時間過左就係過左『No amount of money ever bought a second of time』， 呢句說話好簡單，但我番來香港之後發覺大部分曾經同自己好Close既人都唔懂得呢句說話。

Sparkie番左屋企既第一晚，佢突然好怪地顫抖，雙眼無神地望住我，我聽聽佢心跳，好快跳左幾下，跟住慢慢咁接近冇聲，果一刻我再忍唔住流眼淚，媽叫我唔好對住佢喊，我話因為佢真係幫我地屋企太多，果一刻Sparkie望住左我，之後我地俾佢食飯，好好彩佢肯食野，當晚佢食藥之後我再給佢宵夜見到佢開始正常，我至番自己房瞓覺。

呢一星期比起過去幾年都要過得漫長，好感恩Sparkie已經冇呼吸困難食藥亦冇問題，暫時只係需要定時複診同食藥。