好耐冇update過個Blog，自從12月初好似有啲冷親有啲感冒，好番一星期之後唔知點解中左covid-19，所以好似病左成個月咁！跟住就來到同樣都係被Omicron (όμικρον)肆虐既Christmas、New Year及後既農曆新年。過去三年周圍既人變化好大好大感受。每個人對同樣嘅事情都有唔同既體會，而我好慶幸自己番左香港係父母身邊，如果唔係我一定會後悔！🥹

2022年最另我深刻既一定係因為佢既行為而被人稱為撚哥既Alan，一齊由細玩到大，我冇諗過亦唔想相信，佢係一個為左車同啪啪而無所不作既渣男，唔好話飲水思源，連基本既人性都冇，對於人與人之間既關係可有可無一樣，佢有事做錯，唔道歉不特止，跟住就唔會再搵你。我更加冇諗過佢既道德標準會咁低，係樂團撩人妻，仲要同時間騷擾唔止一位女團員，搞到人地要搵從來冇聯絡既我來求救。當然啦，同好多我人生遇過既其他人一樣，既然對方都唔珍惜彼此既關係，多次既溝通之後對方都唔會理會，咁我冇理由無限輪迴地去傷害自己罷。

經歷呢件事另我好好咁提醒自己，滿足欲望及擁有物質，並非我此生所追求。😉

除咗撚哥之外，就係有位本來都會傾下計既朋友，佢睇錢睇得好重，藉着政府Funding，搵左好多錢，2021年前後香港時世好似唔係好好既時候，無老婆仔女，父母係香港既佢為左保本去左溫哥華，可能唔習慣果邊生活還又或者疫情關係使佢有好大壓力，窮得只有錢既佢，加港兩邊飛，最後患上情緒病要搬番來香港。其實人既時間係有限，自己有時間唔代表人地有時間，就算有幾多錢又點？俾你好似生活好啲長命啲，換來一生多多後悔，值得嗎？🤔

後疫情時代，我更加覺得身邊嘅一切唔係必然，更加要珍惜眼前人，物質欲望係帶唔走，可能係因為我唔會為了自己擁有過咩嘢去過邊到旅行食過咩嘢或者同某某發生過關係而死而無憾罷。😅