呢兩星期發生既事，另我回想返來香港呢段時間既體驗同經歷，大部分同自己交心既朋友做決定既時候都係揀選比較容易既選頂而不是根據事情既對錯而作出選擇。好可悲見到有朋友為左富裕既生活，可以變得連基本既同理心都喪失咗，由一個好善良既人變成一個會刻薄70歲老雜工嘅惡老板。有朋友為左自己既私欲連最基本既道德底線都沒有，明明自己周圍『呃蝦條』仲要講到自己既行為好似和尚咁日行一善。

我有感覺係細過所學既道德倫理，係現實生活大部份人都唔會做，只係一種憧憬，個個人都教細路有錯就要認錯，但大人之中有幾多個人肯會去面對同反省自己既錯呢？好可悲我見到大部份既人都只會逃避同掩飾自己錯，選擇easy way去面對自己既問題，而不是right way!

我回想，如果過去呢十年既時間裡面，我都係選擇easy way既話，我應該仲會同呢幾位由細玩到大既朋友一齊吃喝玩樂，不過當大家都係咁假既時候，咁呢啲係咩朋友呢？同時間我係到諗，做人係咪真係要為左奢華既物質生活而催眠自己厚黑學才是做人既王道？為咗利益因為其他人污糟，所以我污糟都係理所當然？又或者真係有『蝦條』都唔食就罪大惡極？