今日我真係唔多開心，近期世界發生既事及對於一位一齊長大既朋友，我唔想睇住佢死，知佢碌爆卡嚟買車，幫佢問人借錢，等佢唔使還min pay，以為佢自己還晒啲錢原來係講大話，見佢讀書唔好搵埋朋友幫佢補習幫佢入大學，點知又讀唔到，我搵佢幫我搞嘅嘢嘅嘢全部都搞到一鑊粥，最後佢學中提琴，學得唔好，我鼓勵佢陪佢練習，帶埋佢入樂團，之後佢搞屎搞棍都唔緊要啦，搵都唔敢搵我，所以我選擇自己離開，但點解唔可以乖乖地，好好地拉琴？

慾望真係咁緊要咩？當人類冇咗道德底線，只有慾望支配自己嘅話，咁仲係人還是只係披著人類外殼嘅野獸？我都會犯錯，錯咪去反省囉，而唔係要降低自己既道德標準，來等自己好過啲，如果呢個世界嘅人個個都係咁嘅話到最後真係會好沉淪…..🥺

我咁多年來都好想呢個朋友可以好好地做人，不過就算我點幫佢，佢就係敵唔過佢自己嘅慾望。😔普通傾偈又試過，鼓勵又試過，鬧到唔啋我又試過，跟住玩失蹤，咁樣既循環都多到數唔到。我真係好累了，我真係真係已經盡晒力，我都唔奢望佢會珍惜我呢位朋友，只希望佢真係好好做人，唔好連基本嘅道德都冇，可惜……..😮‍💨