今日backup個Blog既contents，所以睇番過去既人同事，原來過去Alan呢個人引發既事真係纏繞左我好多好多次，我每之都當冇事原諒佢，係因為大家一齊成長，我唔想相信佢會賤得咁緊要，不過呢次去樂團令我唔想信都唔得！不過都唔係一個好差既結局，最起碼Alan每日都要孭住我幫佢先至有既學歷去返工，同埋仲要每星期都去一個唔係我幫佢都入唔到既樂團到扮野，我係佢我會覺得自己好可憐(當然Alan應該唔會)。再加上友人F唔多唔少因為Alan而轉左新老師之後，只係學左兩堂課，拉琴已經好左好多，亦改善左練琴之後手痛既問題(原來係來自Alan老師既教法)。真係好彩友人F轉左老師，如果唔係佢第日隻手拉琴拉到有腕管綜合症，就真係因為我既錯誤介紹而害左人地成世！

其實睇番自己個Blog(有一啲冇公開)，使自己可以放低好多野，好好反省自己，好多事過一段時間再睇番可以更加清晰，尤其對人，我發覺因為我基本上唔會發人脾氣，但往往被人行用越踩越過，當自己谷左太耐忍唔住爆發既時侯，別人唔會諗我已經忍左好耐，只會諗自己唔係做左咩好大件事。呢個應該係性格既缺陷，但我諗來諗去冇理由要咁犯賤去黐住啲令自己唔開心又唔會道歉既人嫁？

所以睇番個Blog其實我過去十年都好精彩，物質上既野我真係唔多努力，但係好好咁經歷左一段我諗番都幾開心同無悔既人生，係時候要努力做好自己應該想做既事！💪🏻