近日睇完已經係#netflix上播左都一段時間既#lockeandkey第三季，故事係講述一單奇怪既命案令到一家庭回到祖屋生活，發現父親既死原來同祖屋既神秘力量有關，裡面既情節我就唔透露，不過來到第三季既結尾令我諗起祖母離開果時同細路果時既事。

自小唔喜歡講再見，就算係成日整古我既啊叔離開要去讀書我都會喊😅，去完動物園同動物講拜拜我會流眼淚，總之就係唔鍾意講拜拜。我都唔知道點解，直至祖母離開，我開始明白一樣野，“再見”唔一定可以有第二次，因為有咁樣既體會， 改變左我待人接物及對生活要求既態度，由果時開始，我盡量認真咁去生活。對人對事都係，所以最後選擇番來香港港生活，因為我明白“再見”唔一定有機會講第二次，當然我好明白唔係每個人都會珍惜，但最起碼我已經嘗試左，就算講唔到下一次既再見我都唔使喊😅。