其實我寫blog最主要目的係提醒自己同埋比自己放低啲嘢，冇諗過真係有人睇，點知有樂團既人問我有關Alan 既事，另外仲有啲唔係香港既朋友關心我🙏🏼🙏🏼🙏🏼，所以其實寫得出Alan呢個名，我已經放低左，Alan好與唔好，我都唔會理，我有時間去關心一個70幾歲喺地盤做雜工，都唔會嘥時間關心Alan佢，起碼人哋會識得respect！人生係有限，個個人都會死，叻同唔叻其實冇乜關係，因為每個人嘅經歷都唔同，要嘅嘢都唔同，經歷咗呢個人生令我明白到唔止Alan 其實好多人都唔會或者唔懂得珍惜人與之間既牽絆。

我一次又一次相信呢啲人，俾佢地呃完一次又一次都當冇事，其實係因為自己唔想相信自己認識既人係無情無義之人，好似Alan咁，佢呃左我成年搞到當年要問銀行借錢，佢就會消失一段時間，搞到幫我買車，買完之後要來幫女搬屋，架車冇正式揸過就割左，又係咁失蹤一段時間，其實數十次呢啲咁嘅嘢發生我都不斷縱容佢，到最後佢咁樣對我其實我自己都有責任。而且都唔止Alan係咁，而我係呢啲人身上學會面對自己既問題，有錯要去好好咁認錯，因為認錯唔單止係向對方道歉，而係俾自己一條向前行既路。

唔係好似Alan呢類人出現，我更加未必會學識珍惜，愛護自己既父母同朋友。可能早就唔再留係香港，正正好似Alan呢啲事發生更証明自己唔係一個無情無義既人！仲有就係就算點樣自欺欺人都好啦，發生左既事自己唔會唔知，就好似Alan咁，就算佢同人講到幾漂亮做得幾成功都好，喺而家呢一刻我都幾確信佢成世對住我都唔會再抬得起頭，尤其係佢老竇面前，因為我已經冇必要再為佢隱瞞任何事，如果我同時間見到佢同佢老竇一齊，又或者刺激我，無論係樂團group或者我識既人面前講我，就算我啊媽唔搵佢老竇講佢，我都會照同搵佢老竇講晒佢啲野出來。

多謝各位關心希望睇到我呢個post既人都有個開開心心🥰同溫馨既星期日啦，保持心境開朗！