工作上好難避免玩機心既人，所以當我去樂團呢類玩玩既團體，我會盡量避免呢啲事，近期離開左樂團，我發覺左樣野，其他人玩心機影響唔到我，所以拗Funding果種再污糟邋嘅玩機心，我都冇咩感覺， 不過如果係自己由細一同成長既人玩機心既話，唔多唔少都會影響自己既情緒。

所以其實呢件事係一個好好嘅經歷，雖然有啲唏噓但起碼讓我認清原來Alan係一個好假既人，喺我面前講一套喺其他人面前講另一套，去樂團玩為左討好樂團既人，而失信於我仲要扮唔關佢事賴落去Denise身上，之後我咪唔搵佢囉，跟住Alan真係完全冇再聯絡過我，直至我再出現係樂團佢就扮傻扮搵我😂，其間佢對我朋友講是非我都費事理佢，就算唔提我幫佢既所有野，回想過去咁多年來我真係有野要佢幫忙，佢唔係拖得就拖，一係直頭冇咗影，早幾年當我仲未去樂團既時候我俾錢叫佢車我去考琴試，到考試期間佢連影都冇之後sorry都冇句，我拜託佢車我父母去機場，佢同我抱怨收我父母錢收得少，我係父母唔知既情況之下，俾足佢話佢可以到其他人幾多錢佢，借我啲野就10世都唔還，我一直以為佢份人係咁而大家一場朋友所以次次都算數，但係見到佢對樂團既人有好大既出入？有事即刻仆出嚟幫人，呢啲唔係玩機心係咩？

離開左樂團， 最估唔到既係，我心情放鬆晒仲開心左🤣，原以為我唔理Alan就冇事，但實際係佢係我唔知既情況之下影響左我自己都唔知，所以我至寫低呢種感受，等自己記住呢個影響，同佢保持距離。我冇諗過要傷害佢，佢好唔好我都唔Care，因為呢段期間我體會到都唔見得Alan會關心我啊😆，不過真係冇諗過佢會係我背後講是非，用半真半假講啲唔講啲既說話方式為自己講說話，所以做成一種假象，利用其他人唔知道事實既全部，從而引導其他人既思想方向，幾十年來我都以為佢唔多講野，以為佢好戇實，唔係親身見到佢既對話內容我都唔敢相信，佢係我背後同人講到我好似思覺失調咁為好少事而嬲左佢，所以費事打擾我，點都好啦我冇理由繼續仲俾佢利用同傷害姐。真係好彩俾我睇清楚呢個人，回想呢個可能係我參加樂團既最大既得著，幾十年來我都唔信自己對Alan呢個人既直覺，而係好單純地因為大家都係朋友，所以咩事都算數， 不過呢段時間Alan所做既事使我認清楚認知Alan係無咩情義既人，對人既目的性好強，咁就解釋咗點解我突然唔去樂團，佢果段時間完全唔會搵下我，但當我再出現係樂團佢就雖要同我扮冇野，好明顯佢只係關心緊樂團既人點睇佢，我真係冇諗過佢咁差🥴，當然啦佢可以有好多解釋既，亦都有人信佢，就好似有啲人俾佢呃完食霉蝦，仲信佢講野一樣。

至於生活呢，因為本身應承啊Frank哥夾琴既都係每星期樂團排練既時間，所以時間上變化唔會好大，反而本來要練習樂團樂章既時間騰空左出來，可以好好從新制定新既練琴流程，為考AT及加入其他樂團而做準備，另外仲有好多SSCS既Webinar加上自己既Research同Study，其實可以將影響心情既事”Put an end to it” 都係一件好事，某程度上應該好好多謝啊Frank既老師，唔係佢話啊Frank入樂團會坐係到面懵懵，同成日掛係咀邊話冇野可以教啊Frank，搞到啊Frank哥放棄跟呢位老師學琴同放棄加入樂團，我都唔會有離開樂團既諗法，更唔會意識到Alan對自己既情緒影響，而家放低晒反而係一種解脫😅！老實講我真係好感恩！