尋晚我坐係星空之下靜靜咁樣反思自己對人係咪有問題？我諗我最大既問題就係對好多自己覺得有問題既事，都唔會即時反對，就算係好大件事都未必會有好大反應，因為我明白我要做既係Damage Control而唔係發脾氣 ，所以通常都給予對方一種三言兩語就可以矇混過骨既錯覺，不過就算我幾唔想記住都好，當有問題一路累積落嚟嘅話終有一日就算好小既事都可以引爆我，忍無可忍嘅時候我可能會一次過清算呢個人🫣，雖然我都未必會發脾氣，但就同平時既我會好唔同咁同對方傾計，對方通常都會用番平時矇混過去嘅方式來回應🤷🏻‍♂️

問題來啦，對我來講其實我早就俾呢啲人打完右邊面再打左邊面，而最後我只係縮開姐咁都都唔應該？唔通老馮要俾你打？又或者我係咪應該一開始每件事都要斤斤計較，有問題一開始就要開始追討呢？

當然啦呢個世界其實冇咩咁大不了，我始終都會離開呢個世界，我都只係借呢個世界既資源來經歷呢個人生所以只要唔係對我殺人放火，有問題爆果刻好誠懇咁講句對唔住，我通常都會算數，不過我遇到大部份嘅人都係選擇逃避，咁我都只可以選擇放棄，當然會有種唏噓感，不過呢個問題我諗左好一段時間，我質疑係唔係咪自己嘅問題，不過咁多年既經歷令我明白到，好多嘢唔係自己肯原諒對方就可以當冇事，如果對方係唔珍惜嘅話其實就算我原諒幾多次，對方都只會係老馮。最後我只可以係放低繼續向前行。🥴