我尋日同偉大既四月小姐講左我來緊唔會返樂團，真係唔好意思又麻煩到佢🙇🏻‍♂️，早前因為自己好想夾琴同埋已經可以無視Alan，加上樂團唔夠Cello所以至從返樂團，不過而家Cello Section已經多左人，而且有強勁既Cello指揮，再加上有個學生帶住老師來排練作為私家既即時指導顧問，所以應該唔會再有唔夠人既問題喇😌👍🏼。

另外Frank早幾日同我講佢第三次問佢老師可否加入樂團，Frank既老師回覆係『雖然樂團有啲人唔係咁拉到琴，有時會就咁坐係到面懵懵咁。當然，如果你唔介意拉唔到而面懵懵咁坐既，我都唔會介意同歡迎你去既咁囉，又或者等你有番三四級咁上下先入去會好啲！』其實啊Frank既老師係大半年前叫佢拉到大概2級水平先好入樂團，突然變左叫佢有番3，4級先入，就連樂團正式收團員資格都只係二級要求；而我認識既Frank，佢唔喜歡強人所難；加上見到樂團有好多種收生既準則；又從我口中得知Alan拉琴經常比Eddy遲少少落弓同早少少收弓，音準唔得有時同一個音拉到分音一樣但又可以被接受同冇人理；更甚有個別團員跟本係剛剛接觸小提琴只要唔怕面懵就可以留係樂團仲要上台表演；那位大提琴既私家指導老師曾經係樂團排練既時候對住自己那位只係一拍拉一個音都拉錯拍子既學生明言「來樂團排練就係要犯錯」⋯我諗最衰係我將呢啲「趣事」都講晒俾啊Frank知😅，所以我諗啊Frank心底真係應該唔多好受😂，最後啊Frank佢問我『咁我係咩🤔？』跟住我答佢『🙄 根據呢個邏輯咁你等同於係一個從來未學過小提琴面皮薄而且連去樂團犯錯嘅資格都冇嘅人囉！🤣』

而我自己番左樂團呢幾個月，我本身就係無視Alan，對一個跟本唔會珍惜相識幾十年同飲水思源既人，我唔會再理佢，亦因為我早已無視佢所以返去樂團真係只係為左夾下琴，但Alan自從上年搞小動作之後一直都冇再同我聯絡過，不過Alan就聯絡我既朋友，同我朋友講到我要係樂團搞到要有我無佢咁，講到我思覺失調一樣，又怪我聽我父母講野，跟住我既朋友叫Alan直接搵我，Alan就話無謂打擾我，咁點解要係樂團既人面前要扮識呢？仲要係人前問我使唔使買疫苗豁免書？其實咁大個人，如果有事錯左，係珍惜大家關係既正正經經講句Sorry已經解決左個問題，最難睇係一直冇聯絡，成大半年過左聖誕， 新年都冇聯絡，但我一返樂團幾個月就係我生日無啦啦整句『生日快樂』，跟住冇講其他野，之後就係樂團扮冇野，大佬呀，幾十年相識，真係出心出力為佢，自問唔係我，佢返到香港連Dip都報唔到，唔係我，佢已經放棄左拉琴，換來咁樣既對待，其實真係好心淡， 不過起碼我都做晒自己可以做既野，唔會對Alan有任何虧欠😆✌🏼

不過因為Alan同我朋友講我既事，俾我媽媽知道左，我媽覺得我由英國開始幫佢太多野，最後Alan咁樣實在太過份，唔應該包庇佢所以媽媽準備會同Alan爸爸講番晒佢點樣搞到我要問銀行借錢，又曾經幫佢問人借錢填佢咭數，Alan幫我買車之後自己溝女用，點樣幫我整車搞到一鑊泡，我點樣幫佢入U，最後佢點對我…..blah blah blah……，媽媽覺得應該要俾Alan爸爸知道自己個仔係咩人， 我都唔理得咁多，我其實本身真係好單純去拉琴，Alan為咩搞到啲關係咁？諗深一層可能唔關去樂團事，有可能係我太多事叫佢唔好係交友App上面同啲有小朋友既媽媽「玩」果時，Alan答我係佢地自己要送上門同佢只係幫人地，可能因為我講左句唔好做渣男至係導火線，我可能真係“太厚多士”😅！寫下寫下我諗，其實Alan會唔會唔想我留係樂團，怕我會爆佢玩交友App呃蝦條做渣男呢，影響佢係樂團近水樓台？哈哈🤣，不過是旦啦！

Anyway而家樂團除左我都有三個Cello，唔會因為我唔返而唔夠Cello，再加上叫做玩得埋既啊Frank又入唔到樂團玩，仲要下下對住果個係我背後同我嘅朋友說三道四既Alan(如果唔係我朋友將WhatsApp記錄俾我睇，我真係冇諗過由細玩到大從來對住我都好似好真既Alan，原來會係我背後有意冇意咁講是非，其實真係好恐怖😱，我一心諗住好似One Piece🏴‍☠️咁一齊成長大家差唔多時間一齊開始學琴，最後被Alan好似黑鬍子對艾斯咁整我，好彩既係我唔係冇左條命，同時佢只係小嘍羅而唔係黑鬍子🤣)，又因為我一年多前遊說啊Frank去學小提琴，而且應承咗要是佢去唔到樂團我就陪佢夾琴，所以呢，我唯有遵守承諾放棄唔去樂團排練而陪Frank哥夾琴，不過見到樂團既成長我都開心既，雖然我都唔可以同佢地一齊行落去，不過都希望佢各位都好好Enjoy同進步。💪🏼😉