朋友T，從未離開香港超過一年嘅佢係年兩前隻身離開香港去咗美國生活，近日返咗嚟香港，同我講佢係美國既生活令佢患上左抑鬱病，離開香港之前佢生活忙碌以事業為重又唔識得關心別人所以冇咗個自己好鍾意既女朋友，可能因為咁樣諗住喺美國重新生活，冇仔女而父母喺香港既佢獨自一人喺美國生活，生活本身係無憂無慮，就算唔工作資源亦都足夠，基本上生活就係食玩瞓屙同性，不過佢話最後係果邊好無聊周遊列國亦都冇乜意思，慢慢對好多嘢失去左興趣跟住連自己患上抑鬱病都唔知，而家食咗三個月藥所以返咗嚟香港。

另一位朋友C同女朋友亦係兩年前離開咗香港移民英國生活， 生活唔容易過，而且亦都搵唔到本行嘅工作，積蓄亦都唔多，佢地兩個最後做咗外賣檔同送餐，但係朋友C同我講佢兩個人好開心，生活好充實，朋友C嘅父母亦都打算出年一齊移民英國。

其實有時喺邊度生活；擁有啲咩嘢冇咩意思，聽到呢兩位朋友嘅經歷，令我想起自己好多年前學識嘅一種理念——就喺人生裏面可以學識「愛」為自己所愛嘅人犧牲同付出先至係最大嘅快樂。