最近樂團既指揮都要離開香港，大家相處咗幾年，雖然同佢傾偈唔多，而且上年我都已經知佢會走，但唔知點解上星期五晚最後一次排練既時候有種好強烈嘅唏噓感，其實指揮喺排練嘅過程之中除左教我好多音樂同拉琴嘅嘢之外，仲令我學識去享受同人夾琴既樂趣，係我人生裡面一段好好既回憶。作為一個指揮佢係推動團員同時忍耐好似我呢啲有時發緊夢既人真係唔容易，俾我可能已經發左N次脾氣！

有小朋友加上做創作嘅要離開都無可厚非，相對我識一位靠政府funding賺到盡既生意人，冇結婚冇小朋友但見香港唔係好似以前咁搵到錢嘅時候，就即刻移民走佬，呢啲真係人渣。

我諗我嘅唏噓感係來自見到一班唔係只為個人利益而努力工作有夢想既人離開香港，同時間亦見到一班唯利是圖為咗自己嘅利益而放棄離開香港既人，呢種對比真係好唏噓。

However life goes on and it is full of surprises. 希望被迫離開嘅人平安，至於嗰啲人渣真係不值一提。