近日清理file睇到一啲舊相，回憶初初英國升讀undergraduate嗰時既傻嘢，係hall到整一大兜意粉食到想嘔咁滯，同朋友一齊打機去冒險，去食Nando就已經好開心，但來到今日我同嗰位一齊打機既朋友早已緣盡，幾年前就算知道對方喺隔籬街都唔會見面，而另一個食意粉食到想嘔既，就算每星期見到面我都唔會再理佢，因為俾人搞到唔開心之後，我通常過一段時間都會算數，之後仲會主動搵番對方，多年來我都係咁樣，不過經過好多次之後我覺得好攰啦，單方面咁樣付出其實冇乜意思，不約而同地我同時都冇再搵啲兩位朋友，而呢兩位朋友過時過節都冇再同我聯絡，咁樣單方面交朋友就好似磨爛蓆咁最後都唔會見到有咩好結果😅

人生過程不外乎都係生老病死，但每個人生存既目標就大不同，有啲人為錢，有啲人為性，有啲人為食，有啲人要權，但對我嚟講呢啲都唔係我所追求，英國返來香港之後我就有一種想法，所謂擁有嘅一切包括自己嘅身體，其實都只係借返嚟，當我離開呢個世界嘅時候我都要歸還俾呢個世界，所以我只係借呢啲物質來去經歷人生，當有呢種想法既時候，我就會諗清諗楚自己想要既係咩經歷，而唔係物質，因為咋們係呢個世界上既結局其實都係一樣，但想自己係一個點既人，同人生經歷咩嘢，呢啲都係個人選擇。