回想過去有啲日子同啲只係會事事抱怨嘅人聚埋一齊既話，唔多唔少都會俾佢地整到情緒有啲負面，同一啲睇錢睇得好重既人一齊，好容易會變得好計較，同啲只係識玩嘅人一齊，會變得好懶散。而呢幾年因為疫情冇咗不必要嘅應酬，多數時間都係屋企，更加令我深深體會到生命係互相影響，近日Sparkie既豆豆袋要更換所以我去咗黃竹坑既#SlackLifeStyle買左一個新豆豆袋俾佢，Sparkie見到新既豆豆袋開心到癲左咁係屋企跑來跑去，而因為佢既開心都令到屋企突然間好似過節既氣氛一樣各人都好愉快，所以諗返轉頭除咗人與人之間，我都受到其他生命既影響，如果屋企冇Sparkie同Angie呢兩隻狗，過去既時間一啲都唔易過，佢地有各自既性格，同佢地生活唔多唔少都影響左我點樣去同待人處世，我係佢地身上學懂好多！老實講我係真心多謝佢地！