今日下晝出咗去Bakehouse攞之前訂既King’s Tart，返屋企同父母及友人T食完個批之後就同友人T打機，晚上食媽媽準備既團年飯，媽媽冇好似往年咁整咁多嘢，都係蚊下花膠冬菇鮑魚，焗蒜蓉蝦，炒菜煲湯之類，當然仲有湯圓，好平平淡淡咁過左2022年既團年飯。團年飯沒有乾杯，或者盛大嘅慶祝甚至沒有開酒飲，但我真係好感恩，因為我明白而家呢個世道，可以同父母一齊過節並不是必然，而且免卻左大大小小既應酬，安靜咁食一餐唔需要帶著面具去食既團年飯感覺好自在！