過去呢一年非常之精彩，尤其係人與人之間既關係，自己好多時心底裏面明明好強烈地覺得對方係撒賴扮嘢同埋滿口謊言，但基於大家嘅關係我都選擇相信對方，而且呢種內心嘅矛盾好難得以証實除非有實証，就好似情侶拍拖嘅時候講到會海誓山盟，但分開咗之後可能連對方嘅問候都唔想回應一樣，呢種結果唔係分開咗既話永遠都唔會知道！而我今年好好彩，解開咗纏繞我好幾年關於自己對別人評估既內心矛盾問題，因為我成日都怕自己諗人諗得人太衰，因而唔想相信自己既感覺，但今年既經歷令我見到真實並完全醒覺，而真實係同我心裡面所想既差冇幾，所以都唔係一件壞事，起碼令我覺得無悔自己既選擇！

21年屋企祥和咗好多沒有不必要既應酬及招呼一啲需要帶着面具來去面對嘅客人，簡單而平淡咁過生活幾好啊，同朋友打下機，有時同兩隻狗玩下，望住隻龜發吽豆，睇下小說聽下歌，練下琴都唔錯！

拉琴方面近期拉緊Haydn既Concerto in C Major係一隻我好喜歡既作品，另外因為老表A既關係我已經冇去樂 團，22年會睇下自己時間再去諗諗有咩樂團可以去，畢竟要準備AT都未必有太多時間。

至於工程方面，今年既quantum computing on chip真係超正開始熱起來，未來幾年應該會係一個新嘅世代 ，我正努力追上去！最後心底裏面總係覺得世界既大轉變嚟緊，所以更加要保持身體健康，心境開朗，多啲陪下父母同果啲會珍惜自己既朋友🤪👍🏼