就同其他既詞語一樣，每個人都有唔同既定義，今朝打開電話見到友人B搵咗我成晚我以為咩事所以打返電話俾佢，原來佢女朋友要同佢分手。🙄

我聽佢完發牢騷，講佢女友應承對佢不離不棄之類既說話，而佢女友要同佢分手既原因係因為佢應承咗女友唔再玩交友app但又繼續玩，仲要搭上左女友既表姐！😬

最後我忍無可忍鬧咗佢一餐，因為我真係唔明白點解會有呢啲唔遵守承諾嘅人但又要求其他人遵守諾言呢？佢嘅解釋好奇怪，對佢來講玩交友app同一生一世嘅承諾嘅份量唔同所以應承咗一生一世嘅話係應該要遵守但係佢玩交友Apps就只係小事所以唔應該一齊講，我同佢講其實呢個正正就係問題所在，偷嘢就係偷嘢唔係因為你偷一排香口膠同偷珠寶有分別！

當然點樣解決件事會有分別，但點都唔論到友人B自己決定或批判囉，我同佢講如果真係想珍惜既話就好好道歉，但對方原諒與否就唔到友人B決定，而且抱住咁嘅心態做人其實真係有病！或者只係可以講「承諾」呢兩個字每個人都有唔同嘅解釋啦！ 😵‍💫