我懂事以來，媽咪耐不耐就同我講如果唔係有左我，佢可能成世人都唔會結婚，爹哋亦都同我講過，我嚟到呢個世界嗰日同阿爺講話我出左世，但阿爺都唔會嚟醫院睇我，跟住我曾祖母就係我其中一年既生日當日離開左我地，我從果時開始唔想再慶祝生日，基本上亦都唔會同人提起自己既生日。

就因為咁，原來我得罪左人都唔知，話說多年之前有位朋友送生日禮物俾我，其實我只係唔想佢嘥錢，所以叫佢以後唔好送野比我啦，可能講者無心聽者有意原來佢以為我怪責佢，直至近期有機會講起呢件事，至知道原來我令佢難堪了😅，當然我亦都為呢件事而向佢道歉。

呢件事令到我真正咁去反思，曾祖母都走咗咁多年其實都唔應該將唔開心帶俾其他人，而我自己就算唔係一個被祝福嘅細路，但都可以選擇開心咁去生活，更可況可以平平安安同屋企人一齊生活，就算冇被祝福我都已經好幸福！所以今年我知道爹哋媽咪想訂蛋糕俾我，我叫佢哋唔好跟住我自己去訂咗蛋糕返嚟同佢地切蛋糕，好簡簡單單但我明白呢一切其實唔係必然！