自PS2 Monster Hunter發表之後其實唔同既狩獵遊戲都出咗好多，但點解我仲係咁鍾意玩Monster Hunter系列，我覺得係因為佢可以比到玩嘅人有一種好似真係揮劍一樣嘅感覺，當然這不是一朝一夕嘅事，仲記得PSP時代，好多時撳掣仲係有少少delay! 不過確實佢一代比一代好！再加上怪物嘅設計，亦都比同類型既遊戲出色！

因為一早訂購嘅關係，所以正式出街日期之前已收到遊戲同埋Amiibo，不過因為有演奏會嘅關係，所以老表、龜生同埋我都冇好認真咁去玩，直至演奏會結束當日我哋正式一齊開始狩獵，尋日我哋特登出嚟面聯，好耐冇試過同朋友一齊咁樣打機打咁耐仲要一口氣沖上HR5！

老表係第一次接觸Monster Hunter系列，佢比想像中強，走佬快、貓車既次數極少！而且每次貓都係被魔物既Combo打死！玩呢類遊戲最開心就係一齊面聯時有講有笑而留係屋企玩其他online game好難俾到玩家呢種感覺！當然#MHRise亦都可以同其他網友打，但感覺就係唔一樣，諗諗你朋友諗住匿埋喺你背後磨刀嘅時候，你閃開左，佢俾條龍插到飛天，事後即場攞返出嚟講既共鳴感同係屋企玩Online Game係有分別既，可能呢個就係同現實生活唔識嘅網友打機既分別！

咁樣係Starbucks打下機時間過得超快又開心，仲有種一齊冒險狩獵的感覺，難怪只係幾天時間就已經賣了五百萬套，因為大家都明白就算佢出PC版都好，手提版就係有吸引吸引嘅地方再加上Amiibo玩法，我就唔會等一年後玩PC版啦！