因為自己係讀電子工程出身既關係，所以特別喜歡玩一啲電子器材，喺學習大提琴既呢幾年都買過唔同牌子既調音器同埋拍子機，早係一年前見到日本Seiko出既STH200多啦A夢50周年版本拍子機連調音器覺得好得意就買左番來！

Seiko STH200呢個型號嘅拍子機連調音器，出乎意料地好用，拍子機好大聲，拍子嘅節奏好實用，調音器會顯示你係第幾個Octave既音階，例如大提琴嘅A3,D3,G2同C2！相比我之前買嘅Korg同Intelli好唔同，Korg我覺得調音比較準確，至於Intelli就拍子機比較大聲！經過一年使用之後我覺得Korg同Intelli都比Seiko食電！但Seiko STH200係冇燈所以一定要係有光源既環境裏面用，另外就係調音方面如果有其他嘅樂器嘅話，一定要加clip mic，我就係俾佢個多啦A夢頭既咪夾吸引所以買呢部STH 200！另外調音方面Korg既TM-50TR嘅反應會比較快呢！

如果而家想買多啦A夢呢個拍子機既話出面貨源應該唔多，但如果你只係要Seiko STH200呢個型號嘅話應該好多地方都有得買既！用左Seiko STH200呢個調音器連拍子機之後我都冇再睇過其他牌子亦都好少用我之前買落嘅拍子機同調音器啦！因為之前總係隻隻都爭啲咁！

張相就係Seiko STH200多啦A夢50周年紀念版拍子機連調音器仲有個咪夾同專用袋!