疫情當然唔係一件好事，但係疫情之下多左時間可以令自己細味品嚐一下同親人一起過既時間，都唔係一件壞事。

香港其實唔係疫情最差嘅地方，見到朋友同網友圈裏面都唔少人為咗疫情唔可以去嫖賭飲而煩惱，我覺得自己好好彩完全冇呢啲煩惱同寂寞，居住嘅環境清靜每星期都會同某兩位好親嘅朋友見吓面，每日同屋企既兩隻惡魔戰鬥及面對巫婆同殺手嘅威脅，都已經相當充實！

因為咁我返而諗，其實我地係咪擁有得太多而冇好好享受自己每一刻嘅時間呢？人既時間好公平就算你擁有幾多野都好時間唔會比人多咗，去旅行又好，食咩都好其實同咩人一齊好重要，我成日都諗人生無常，如果下一秒我就要離開呢個世界，而我最多既回憶係自己一個過著有幾奢華生活嘅話，我會好後悔😅！反而平平淡淡簡簡單單同親人及知己既生活，每令我回心微笑及落淚！當然沒緊要嘅人生都唔同啦，但呢個疫情令我更加明白自己想要嘅係咩野，而我已經擁有！

接落來我就要更加努力💪🏼去做我應該做既事！